tin_the_fatty

是咁的。今朝一早吾妻好緊張咁用公司電話打俾我,話喺巴士跌咗手提電話。佢有堂上,唔得閒跟進,所以請我幫手。

我八點打上城巴專線,留咗班次時間路線方向同聯絡方法,一陣就備咗案。

然後我login吾妻iCloud戶口,用Find iPhone睇睇部電話喺邊,順便set埋lost mode(停止彈notification,可以留聯絡/歸還方法)。只見到部電話一直徘徊於總站同路線之上,睇來係未有人執到電話,於是隻電話就繼續遊車河。我唔想用哂電話嘅電,所以暫停睇實部電話。

吾妻一做完嘢就搵我,我見部電話剛離開總站,於是就叫吾妻去等部巴士。成功上車問司機,司機話只搵到部小米。吾妻去返朝早坐嗰個位,見到部電話跌咗落座椅同車身之間嘅縫隙中。失而復得,佢好開心。

科技偉大!

注:之後打返去城巴熱線,留言話電話已搵返,可銷案。

--

--

剛剛花咗超過10分鐘喺電話度嘗試將我個電郵地址俾對方。

當然是不可能的任務。tango india november tango hotel echo foxtrot alpha tango tango yankee 搞咗三次,對方不停聽錯echo做apple(但a for alpha唔係for apple),要留埋電話萬一電郵bounce要電聯。 情境相當滑稽。

(其實是同微軟sales傾。我覺得佢哋大概每日都會遇到呢個問題。)

--

--

上星期行過屯門碼頭海翠坊,經過商場間文具店(經營困難,獨立文具店買少見少,好快只會剩返三中商同中南嗰類了),見到有Pilot墨水筆賣,三幾百蚊平平哋,幾靚仔,如果OK好寫的話,可以買來帶住周圍走平日用。 對上買Pilot墨水筆係好多年前,當時仍然喺中環返工。Pilot Capless設計獨特,好似普通㩒㩒吓原子筆咁,按一下頂筆咀伸出,再按一下頂筆咀收返入去。我嗰支筆杆係象牙色,好靚。Lamy都有支類似capless設計,但又大又重,不了。不過其實Pilot Capless有兩個問題,所以好快我就放埋一邊無用到了。首先就係筆咀出墨唔夠流暢。呢個係個人喜好,有啲人會覺得Pelican墨水筆太流暢,但我喜歡出墨流暢嘅墨水筆。Pilot Capless另一個係設計問題,儲墨系統無得選擇用cartridge,係扭螺絲嘅piston,但設計問題,永遠只能夠入半滿,儲墨量太細。不過我離題了。 堆Pilot墨水筆全部鎖哂喺個display櫃入面,我問店員搵出來睇,望落都相當滿意,但筆咀係Fine。我一向用開Medium(Pilot應該係為照顧亞洲市場,出好多Fine筆咀,比較適合用來寫中文日文,而Medium筆咀用來寫中文字是太粗,字要寫得大隻些少),問店員換支Medium筆咀試吓。正常賣墨水筆嘅地方,都會有樽墨水,你想買筆,佢會俾你沾些少墨水試寫,睇吓個筆咀啱唔豈。點知個店員話無得試,我是相當驚訝,同店員講個個賣墨水筆都有樽墨水俾客試個筆咀,佢話無,然後叫我走,相當無禮。

買墨水筆
買墨水筆

上星期行過屯門碼頭海翠坊,經過商場間文具店(經營困難,獨立文具店買少見少,好快只會剩返三中商同中南嗰類了),見到有Pilot墨水筆賣,三幾百蚊平平哋,幾靚仔,如果OK好寫的話,可以買來帶住周圍走平日用。

對上買Pilot墨水筆係好多年前,當時仍然喺中環返工。Pilot Capless設計獨特,好似普通㩒㩒吓原子筆咁,按一下頂筆咀伸出,再按一下頂筆咀收返入去。我嗰支筆杆係象牙色,好靚。Lamy都有支類似capless設計,但又大又重,不了。不過其實Pilot Capless有兩個問題,所以好快我就放埋一邊無用到了。首先就係筆咀出墨唔夠流暢。呢個係個人喜好,有啲人會覺得Pelican墨水筆太流暢,但我喜歡出墨流暢嘅墨水筆。Pilot Capless另一個係設計問題,儲墨系統無得選擇用cartridge,係扭螺絲嘅piston,但設計問題,永遠只能夠入半滿,儲墨量太細。不過我離題了。

堆Pilot墨水筆全部鎖哂喺個display櫃入面,我問店員搵出來睇,望落都相當滿意,但筆咀係Fine。我一向用開Medium(Pilot應該係為照顧亞洲市場,出好多Fine筆咀,比較適合用來寫中文日文,而Medium筆咀用來寫中文字是太粗,字要寫得大隻些少),問店員換支Medium筆咀試吓。正常賣墨水筆嘅地方,都會有樽墨水,你想買筆,佢會俾你沾些少墨水試寫,睇吓個筆咀啱唔豈。點知個店員話無得試,我是相當驚訝,同店員講個個賣墨水筆都有樽墨水俾客試個筆咀,佢話無,然後叫我走,相當無禮。

咁我慳返。當然呢間文具店以後永不錄用。

--

--